မင်းမနိုင်၊ အလွတ်တန်းသတင်းထောက်၊ ရန်ကုန် (၁၉ ဇွန် ၂၀၀၁၀)
ဒီနေ့မှာကျရောက်တဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည့်ရဲ့ (၆၅) ပြည့် မွေးနေ့မှာ နာရေးကူညီမှုအသင်း (ရန်ကုန်) သုခကုသိုလ်ဖြစ်ဆေးခန်းမှာ ဓာတ်မှန်းဆောင်သစ်ကို ဒီမနက် (၉) နာရီအချိန်က ဖွင့်လှစ်ခဲ့ပါတယ်။ ဖွင့်ပွဲအခမ်းအနားမှာ ကလေးငယ်တွေကမိုးပျံ ပူဖောင်းတွေကိုလွတ်တင်ခဲ့ပြီး အသင်းဥက္ကဌ ကိုကျော်သူက လှောင်အိမ်ထဲက ငှက်ကိုလွတ်လပ်စေချင်တဲ့သဘောနဲ့ ငှက်တွေ လွှတ်ခဲ့တာကို တွေ့ရပါတယ်။ ဖွင့်ပွဲအခမ်းအနားကို ဒီနေ့ဟာ ဒေါ်အောင်ဆန်းစုကြည် မွေးနေ့ဖြစ်တာကြောင့် နိုင်ငံရေးသမားအများစုကတော့ တက်ရောက်ခြင်းမရှိပဲ စာနယ်ဇင်းလောက ကပုဂ္ဂိုလ်တွေနဲ့ အနုပညာလောကသားတွေ တက်ရောက်ခဲ့ကြသလို ထောက်လှမ်းရေး (၇) ယောက်လောက်လည်း လာရောက် စောင့်ကြည့်နေတာတွေ့ရပါတယ်။
အခုဖွင့်လှစ် ဓာတ်မှန်ခန်းဟာ လွန်ခဲ့တဲ့ လအနည်းငယ်က ရွှေဂုံတိုင်အထူးကုဆေးရုံမှာ တာဝန်ကျအထူးကုဆရာဝန်ကြီးရဲ့ လွဲမှားတဲ့ ကုသမှုကြောင့် သေဆုံးခဲ့ရတဲ့ မဆုရွန်းလဲ့ရည်မိသားစုက ထည့်ဝင်တဲ့အလှူငွေနဲ့ အခြားအလှူရှင်တွေ ထည့်ဝင်လှူဒါန်းကြတဲ့ အလှူငွေတွေနဲ့ မတည် တည်ဆောက်ခဲ့တာဖြစ်ပါတယ်။ ဒီဓာတ်မှန်းခန်းမှာ ထားရှိမယ့် ဓါတ်မှန် စက်ဟာ ဒေါ်လာ ၂ သောင်းခွဲ တန်ဘိုးရှိပြီး အဆောက်အအုံက ကာလတန်ကြေး ကျပ်သိန်း ၂၈၀ ခန့်ရှိတယ်လို့ သိရပါတယ်။ ဒီလို ဆင်းရဲနွမ်းပါးတဲ့ လူတွေအတွက် သုကကုသိုလ်ဖြစ်ဆေးခန်းမှာ ဓာတ်မှန်ခန်းဖွင့်လှစ်ခဲ့တာနဲ့ပတ်သက်ပြီး ၀ါရင့် ဂျာနယ် အယ်ဒီတာတစ်ဦးကတော့
၂၀၁၀ ဇွန်လ ၁၉ ရက် ဒေါ်အောင်ဆန်းစုကြည်မွေးနေ့ သုခကုသိုလ်ဖြစ်ဆေးခန်း ဓာတ်မှန်းခန်းဖွင့်လှစ်ပွဲ
“ကျွန်တော်တို့တိုင်းပြည်မှာ ဆင်းရဲနွမ်းပါးတဲ့ပြည်သူတွေအတွက် အစိုးရရဲ့ ကျန်းမာရေးဝန်ကြီးဌာနရဲ့ လက်အောက်က ပြည်သူ့ဆေးရုံးကြီးမှာရှိတဲ့ ဓာတ်မှန်ခန်းဆိုတာကလည်း အလှည့်ကျစောင့်ပြီး ရိုက်ကြရတာ။ သေရေးရှင်ရေး အရေးကြီးနေတဲ့ အချိန်မှာ ဓာတ်မှန်ရိုက်ဖို့ စောင့်နေရတာနဲ့တင် သေသွားနိုင်တဲ့ အခြေအနေမျိုးလေ။ ငွေကြေးချမ်းသာတဲ့ သူတွေအတွက်ရှိတဲ့ ပုဂ္ဂလိက ဆေးရုံးတွေမှာဆိုရင်လည်း စိတ်ချယုံကြည့်ရမှုက လုံးဝမရှိဘူး။ ဒီလိုအခြေအနေမှာ သုခဆေးခန်းမှာ ဆင်းရဲချမ်းသာ မရွေးလာရောက် ရိုက်ကူးနိုင်မယ့် ဓာတ်မှန်းခန်းဖွင့်လှစ်တာ ကျွန်တော်တို့ကြိုဆိုပါတယ်။ အထူးသဖြင့် အစိုးကိုယ်တိုင်ရဲ့ ကျန်းမာရေးကဏ္ဍမှာ အသုံးတဲ့ ဘတ်ဂျက် (ငွေစာရင်း) အင်မတန် နည်းတဲ့အအခြေအနေမှာ ဒီလို လူမှုရေးအသင်းအဖွဲ့တွေက ကျန်းမာရေးကဏ္ဍမှာ ပါဝင်ကူညီဆောင်ရွက်လာကြတဲ့အတွက် ပြည်သူတွေအတွက် အင်မတန် အကျိုးရှိပါတယ်။” လို့ ပြောပါတယ်။
ဓာတ်မှန်းခန်းကို လာရိုက်တဲ့ လူနာတွေ များရင်များသလို လူနာအခြေနေပေါ်မူတည်ပြီး နေစဉ်ဖွင့်လှစ်ပေးမှာဖြစ်တယ်လို့ လည်း ဒေါ်ရွှေဇီးကွက်ကပြောပါတယ်။
နာရေးကူညီမှုအသင်း (ရန်ကုန်) က သုခကုသိုလ်ဖြစ်ဆေးခန်းကို ၂၀၀၇ ခုနှစ် မတ်လမှာ စတင်ဖွင့်လှစ်ပြီး အရေးပေါ်ခွဲစိတ် ကုသဖို့လိုအပ်နေတဲ့ ကိုယ်ဝန်ဆောင်မိခင်တွေအပါအ၀င် ဘယ်ရောဂါအတွက်ကိုမဆို ဆင်းရဲနွမ်းပါးတဲ့ လူနာတွေအတွက် ခွဲစိတ်ခန်းစရိတ်လှူဒါန်းတာ စသည်ဖြင့်ဆောင်ရွက်ပေးနေပါတယ်။ ဒီဆေးခန်းမှာ မျက်စိ အရိုးအကြော၊ အရေပြား၊ ကင်ဆာစတဲ့ရောဂါတွေကို အထူးကုဆရာ ၀န်ကြီးတွေ၊ သမားတော်ကြီးတွေ ၄၀ ကျော်က နေစဉ်လူနာပေါင်း ၂၅၀ လောက်ကို အခမဲ့ ကုသပေးနေပါတယ်။
